|
|
Все статьи
9 апреля, 2024 - 08:20
КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ
Б Е Г И М И
8 апреля, 2024 - 17:38
КЪАБАРТЫ-МАЛКЪАР РЕСПУБЛИКАНЫ ПАРЛАМЕНТИНИ
Б Е Г И М И
8 апреля, 2024 - 15:20
Журналист жолла бизни кёп жерлеге жетдиредиле, кёп адамла бла тюбешдиредиле. Аланы бирлерин унутаса, башхалары уа эсден кетмей, жюрегингде бир огъурлу ыз къоядыла. Ма бу жол мени къадар аллай адам бла тюбешдиргенди. Ол Шауаланы Ахматны жашы Алимди. Аны бла ушакъ эте келгенибизде, ол къарт анасыны юсюнден жазарымы тилеп, аны сейирлик къадарыны юсюнден ким да эс бурурча хапар айтханды.
8 апреля, 2024 - 13:00
Къабарты-Малкъарда «Жашау журт эм шахар болум» миллет проектге кёре танг кесек жер игилендириледи. Аны чеклеринде тюзюнлей къол кётюрюу бла тапландырыллыкъ жамауат тийрелени айырыргъа онг тапдырады. Быллай конкурс хар инсанны оюмун билирге онг береди. Бу жол он кюнню ичинде анга 6 минг адамгъа жууукъ къатышханды. Аланы жартысы 1,5 минг чакълы волонтёрну болушлукъларын эм башхалары да Къырал жумушланы тамамлау сервисни хайырланнгандыла.
8 апреля, 2024 - 12:55
Алгъаракълада адабан адамларыбыздан жер-суу атланы жазып алгъан эдим. Ала бла бу жолгъу материалда сизни да шагъырей этерге излейме. Башлагъан Бабугент тийресинден этерикбиз. Интернатдан ёргерек барып, жолну онг жанында, аллы да кёл болуп, суучукъ келеди. Аны кесинден да кукурт ийис урады. Анга Ийисли суу дейдиле. Андан ёргерек барсанг, секиртмеге жетесе. Озгъан ёмюрню къыркъынчы жылларында алайда къая юзюлюп, жолчуланы да басхан эди. Алайгъа Къая юзюлген деп да айтадыла. Секиртмени баш жанына уа Тёбен Тепчонукъ дейдиле.
8 апреля, 2024 - 09:05
Муслийманлагъа сыйлы Рамазан ай ахырына жете келеди. Ораза тутханлагъа Аллаухуталадан саугъаны, Къадар кечени, фитир садакъаны юслеринден Аль-Азхар ислам университетни выпускниги «Ислам в Евразии» регионла аралы дин газетни баш редактору Аккайланы Хасим хажи айтады:
8 апреля, 2024 - 08:40
Керекмиди къоркъургъа онкология аурууладан? Хау, ала жайыла барадыла, алай аны бла бирге, кёп саусузла диагнозларын билгенден сора багъылып, жашау бардырадыла. КъМР-ни онкодиспансерини хирургия бёлюмюню онкологу Жашууланы Асланнга бусагъатдагъы болумну юсюнден бир талай соруу бергенбиз.
7 апреля, 2024 - 09:29
Дунияда, тёгерегибиздеги бола тургъан тюрлениулени, болумланы юслеринден бизни газетибизге аны дайым окъугъанла, аны бла байламлыкъ жюрютгенле кеслерини оюмларын, сагъышларын билдиредиле. Бу жол а кесини жаш тёлюню юйретиу бла байламлы сагъышларын редакциябызгъа Гуманитар тинтиуле бардыргъан институтну илму къуллукъчусу Локияланы Жаухар жазып ийгенди.
7 апреля, 2024 - 08:30
Россейде предпринимательликни тарыхыны юсюнден битеуроссей онунчу олимпиаданы регионда кезиуюнде хорлагъанланы бу кюнледе саугъалагъандыла. Аны бла байламлы къууанчлы жыйылыу Къабарты-Малкъар къырал университетде ётгенди. Аны кесин да «Иш кёллю Россей» жамауат биригиуню республикада бёлюмюню башчысыны орунбасары Таумурзаланы Салидат бардыргъанды, деп билдиргендиле ол биригиуден.
6 апреля, 2024 - 10:44
Бу кюнледе Къарачайны бек белгили адамларындан бири – жарыкъландырыучу, художник Крымшаухалланы Пашаны жашы Ислам жаратылгъанлы 160 жыл болады.
6 апреля, 2024 - 09:05
Ара шахарыбыз Нальчик жолоучуланы кесине не заманда да тартханды. Аны къуралыу жолуна къарасанг, Нальчик кёп шахарладан гитче, жаш да болгъанлыкъгъа, тарыхы байды. Озгъан ёмюрлени биринчи жарымында окъуна мында белгили революционерле, искусствону келечилери, жазыучула да кёп болгъандыла. Ала Нальчикде тургъан кюнлерин уллу сюймеклик эмда жюрек жылыулукъ бла эсгергендиле.
5 апреля, 2024 - 17:33
Медицинада анестезиология бёлюм эм къыйыннга саналады. Врачла кеслери уа, аны алайлыгъын черте, «эм бийик пилотаж» деген тенглешдириуню хайырланыучудула.
5 апреля, 2024 - 17:02
Газетибизни 100-жыллыкъ юбилейине жоралап материалла бере турабыз. Бу жол Уллу Ата журт урушну заманында журналистле къаллай билдириуле хазырлагъанларыны юсюнденди хапарыбыз.
5 апреля, 2024 - 16:20
Кёп болмай «Россельхозцентр» учрежденияны Къабарты-Малкъарда бёлюмюню специалистлери Чегемде «ЭКО-КУЛЬТУРА» биригиуню теплицасында болгъандыла.
5 апреля, 2024 - 16:19
ШималКавказстатны управлениясындан билдиргенлерича, быйыл малчылыкъда ахшы кёрюмдюле эсленедиле. Мартны аллында чыгъарылгъан эсеплеге кёре, мюлклени барында да 276,2 тууар саналады. Былтыр бу заман бла тенглешдиргенде, ол 4 мингнге асламды.
5 апреля, 2024 - 16:18
Къабарты-Малкъарны эл мюлк бёлюмюде уруннганла быйыл 54 жангы техника къоллу болгъандыла. Регионну Эл мюлк министерствосундан билдиргенлерине кёре, ол былтырны кёрюмдюсю бла тенглешдиргенде, эки кереге кёпдю.
5 апреля, 2024 - 16:07
КъМР-ни экономиканы айнытыу министри Рахайланы Борис, «КъМР-ни айнытыу Корпорация» акционер обществону башчысы Чочайланы Ахмат да къатышып, МСП Банкны башчысыны орунбасары Арсан Демельханов эмда бу финанс учрежденияны бизни республикада бёлюмюню таматасы Байсолтанланы Ахмат бла тюбешгенди. Ала МСП Банкны былтыргъы ишини эсеплерини эмда быйылгъа белгилеген умутларыны юсюнден сёлешгендиле, деп билдиргендиле министерствону пресс-службасындан.
5 апреля, 2024 - 15:18
Минги тауда тау- лыжа спортдан Россейни чемпионаты бардырылгъан эди. «Кавказ.РФ» обществону билдириуюне кёре, обществону генеральный директоруну орунбасары Къабарты-Малкъарны тау лыжа спортдан бла сноуборддан федерациясыны президенти эришиуню ётдюрюуге этген себеплиги ючюн ыспас къагъыт бла белгиленнгенди.
5 апреля, 2024 - 15:16
Россейде къонакъ юйлени цифра паспортлары жарашдырыллыкъдыла, аланы болушлукълары бла солугъанла къонакъ юйлени юслеринден толу информацияны алаллыкъдыла эм аланы юслеринден кеслерини оюмларын жазаллыкъдыла. Аны юсюнден Къырал Думаны жыйылыуунда Росаккредитацияны башчысы Назарий Скрыпник билдиргенди.
5 апреля, 2024 - 15:16
Къабарты-Малкъар Республиканы Радио эмда телебериулени арасы 5 апрельде – школчуланы экологиядан битеуроссей олимпиадаларыны ахыр кесеги ачылгъан кюн – Нальчикде телевидение къаланы юсюнде тюрсюнлю чыракъла жанарча этерикди. Анда Олимпиаданы белгиси эмда «Школчуланы экологиядан битеуроссей олимпиадаларына къатышханланы алгъышлайбыз!» деген жазыу да узакъдан окъуна кёрюнюрюкдюле.
Страницы
|
