Жыйымдыкъ къауумгъа къошулгъандыКъазанны единоборстволадан «Акъ Барс» арасында грек-рим тутушуудан битеуроссей эришиу бардырылгъанды, ол РСФСР-ни сыйлы тренери Мягас Сахабутдиновну хурметине аталып онунчу кере къуралгъанды. Анга къыралны 49 регионундан 21 жыллары толмагъан 389 жаш гёжеф къатышхандыла, алчы жерлеге чыкъгъанладан а Россейни жыйымдыкъ командасы къуралгъанды. Элбрус районну Байзуллаланы Юсюпню атын жюрютген олимпиада резервли спорт школуну келечиси Бапиналаны Къурман анда бийик усталыгъын, кюч-къарыуун да кёргюзтгенди. Ол, 60 килограммгъа дери ауурлукъда тутуша, алты тюбешиу ётдюргенди, аладан бешисинде хорлагъанды, жангыз да жарым финалда къытдыргъанды. Ючюнчю жер ючюн сермешинде да 10: эсеп бла хорлагъанды. Къурман доммакъ майдалны алгъанды, аны Москваны жыйымдыкъ командасына къошхандыла. Энди ол Россейни биринчилигине хазырланырыкъды. Гёжефни тренер Хапаланы Аслан хазырлагъанды.
Поделиться:
Читать также:
06.05.2024 - 13:27 →
Къыралны къауумуна киргенди
06.05.2024 - 12:45 →
Алчыланы санында
06.05.2024 - 08:00 →
Эм кючлю – республикабызны къаууму
03.05.2024 - 10:16 →
Ат чаришле ариу миллет тёреледен биридиле
02.05.2024 - 11:42 →
Жаралы аскерчиле саулукъларын кючлерча
|