Биринчи жерге тийишли болгъандылаБу кюнледе Москвада къыралны санатор-курорт объектлерини бек игисин сайлау жаны бла «Маршрут построен-2023» турист проектни эсеплери чыгъарылгъандыла. Анда Чапаланы Ибрагим таматалыкъ этген «Долина Нарзанов» санаторий «Отпуск для здоровья» деген номинацияда хорлагъанын белгилерчады. Биринчиден, Россейни битеу регионларындан санаторийле кеслерини онларын ачыкълагъан информация бла интернетде халкъны шагъырей этгендиле. Ызы бла адамланы оюмларына кёре бек иги 39 санаторийни тизмеси жарашдырылгъан эди. Ала бары да бир ненча номинацияда эришгендиле. Нальчик курортну атындан «Долина Нарзанов» къатышып, бек игилени къауумуна киргенди. - Биз курорт алгъын хайырланнган амалланы да сакълай, жангы онгланы да заманнга кёре кийире ишлейбиз, - деп белгилегенди Чапа улу, саугъаны алгъандан сора. Биринчи жер ючюн санаторийге эсде къалырча саугъала эм «Россейде солуу» деген турист проектде билдириу басмалар онг берилгенди. Эсигизге салайыкъ, «Маршрут построен» «Комсомольская правда» медиа къауумну Россейде ич туризмни айнытыугъа себеплик этиу жаны бла проектиди. Быйыл анга 11 номинацияда 400 организация къатышхандыла.
Поделиться:
Читать также:
20.05.2024 - 09:00 →
Тыш къыраллагъа къалай барыргъа боллукъду?
20.05.2024 - 09:00 →
Айлыкъ картаны тас этсегиз да, ахчаны сакъларгъа боллукъду
19.05.2024 - 09:05 →
Сюймеклик эмда хурметлик
18.05.2024 - 10:00 →
Аталары сауда ёксюзле
17.05.2024 - 17:04 →
Ариу къызны жарсыулу къадары
|