Къутхарыучуну энчиликлерине терен тюшюнеРоссейни МЧС-ини От тюшюуге къажау къырал службасыны академиясыны курсантлары министерствону Къабарты-Малкъарда Баш управлениясына алгъан билимлерин бегитир ючюн келгендиле. 20 июльгъа дери ала регионну от ёчюлтюу-къутхарыу бёлюмлеринде юйренирикдиле. Баш управленияны башчысыны от ёчюлтюу-къутхарыу жаны бла орунбасары Анзор Кагазежев билдиргенича, ахырында ала зачётла берликдиле эм аттестация комиссияны аллында тамамлагъан ишлерини юслеринден айтырыкъдыла. =Курсантла къутхарыу бёлюмледе иш къалай къуралгъанын кёрлюкдюле, аланы къурау, методика, статистика эм справка документлери бла шагъырейленирикдиле. Дагъыда къутхарыучуну усталыгъыны энчиликлерине тюшюнюрюкдюле, оператив-служба болумлада кеслерин сынарыкъдыла. Алагъа башчылыкъны билимли эм уллу хазырлылыкълары болгъан офицерле этерикдиле, деп билдиредиле управленияны пресс-службасындан.
Поделиться:
Читать также:
18.05.2024 - 10:00 →
Аталары сауда ёксюзле
17.05.2024 - 17:04 →
Ариу къызны жарсыулу къадары
17.05.2024 - 13:13 →
Ахча алыргъа умуту юзюлгенди
17.05.2024 - 13:04 →
Солуу учузуракъ болурча
17.05.2024 - 11:22 →
Инсан саулугъун ишлеген жеринде тинтирге боллукъду
|