Эм кючлюле тюбешгендиле

Нальчикде терк шахматладан (рапид) республиканы онючюнчю чемпионаты бардырылгъанды, анга 54 эм кючлю шахматчыбыз къатышхандыла.

Абаданлада биринчи жерни – Давид Елканов, экинчини – Фатима Шахмурзова, ючюнчюню Валерий Вулах алгъандыла. 18 жыллары толмагъан спортчуланы араларында эм кючлю Текуланы Эмир болгъанды , 14-жыллыкъладан а Жаболаны Адам кючлю болгъанды. Къызланы араларында саугъаны Мырзаланы Лилана алгъанды. Сабийле барысы да Къабарты-Малкъарны Спорт министерствосуну Спортну олимпиадагъа кирмеген тюрлюлеринден школунда юйренедиле.