Бохчаны къайтаргъандыла

11 апрельде КъМР-дн МВД-ны управлениясына 65-жыллыкъ нальчикчи тиширыу сёлешгенди. Ол бир сагъат артха банкомат тийресинде болгъанында, ким эсе да сумкасындан 13 550 сом ахчасы бла бохчасын урлагъанын билдиргенди. Тиширыу айтханнга кёре, банкомат бла операцияны бардырыуда таныш болмагъан бир тиширыудан болушлукъ  тилегенин билдиргенди.

Ол тийредеги видеонаблюдение камераны тинтгенден эм оператив-излеу ишлени бардыргъандан сора, уголовный излеуню къуллукъчулары аманлыкъчы ким болгъанын тохташдыргъандыла. Бохчаны тиширыугъа болушхан къыз урлагъаны белгиленнгенди.

14 апрельде полициячыла 32-жыллыкъ аушигерчи тиширыуну тутхандыла. Ачыкъланнганына кёре, анга алгъада да сюд этилген эди. Урланнган бохчаны да андан сыйырып, ишге къошхандыла. 

Алай бла аманлыкъчыгъа  РФ-ни УК-ны 158-чи статьясыны 2-чи кесеги бла (урлау) тийишлиликде уголовный иш ачылгъанды, деп билдиргенди КъМР-де  МВД-ны пресс-службасы.