Чач тарамыгъыз нени ачыкълайды?

Бирле эрттенликде чачларын жыйып кетедиле, бирле бошлап къоядыла, башхала уа бурма этедиле. Психолог Марк Карнер тиширыуланы бу тюрлю сайлаулары нени юсюнден билдиргенин ангылатханды.

Бошланнган  узун сыйдам

Узун чач сюйдюмлю кёрюннгенине сиз аз да ишекли тюйюлсюз, аны ючюн а кесигизни субайлыгъыгъызны чертирге итинесиз. Хар не да жеринде болса сюесиз.

Чачны халы аламат тюйюл эсе уа, эрттен сайын аны жуууп, къурутуп, ариу халгъа келтирирге заманыгъызны къоратыргъа бир да эринмейсиз. Алай дагъыда бираз омакъланыргъа керекди: къуруда бир причёска бла айланыргъа жарамайды. Хар неде да кёп тюрлюлюк!

Ийилген бурмала

Кесигиз бла, тыш сыфатыгъыз бла да ыразысыз. Жолоучулукъгъа барыргъа бла жангны затланы кёрюрге бек сюесиз. Башыгъызгъа эркин адамсыз, жашауугъузну къысха заманны ичинде тюрлендраллыкъсыз. Сёз ючюн, башха шахаргъа кёчерге неда бир адамны сюйюп къояргъа.

Бир-бирде оздургъан да этесиз ол халыгъыз бла. Алай заман бла ол да ётеди. Сизнича, жашаудан хар затны алгъанладан, ахырында бек иги анала боладыла.

Биле тургъанлай хылы-мылы топпан

«Дунияда неге да жетиширге жарамаз, алай итинирге уа керекди» - сизни жоругъугъузмуду? Къуруда бир затха юйренесиз, жангы башламчылыкъланы къолгъа аласыз, спортзалгъа чабасыз.

 Ишлеригиз тюрлю-тюрлю болургъа боллукъдула, сизге сейирлик кёрюнсюнле ансы. Жаланда тёзюм керекди жумушларыгъызны ахырына жетдирирге.

Тасма бла къысылгъан

 Ариу кийиннген, моданы ызындан баргъан адамсыз. Эр кишиле эс бурсала сюесиз. Иш кёллю болургъа ол сизни чырмамайды.  Дагъыда сиз ахшы нёгерсиз. Биргегизге заманны оздурургъа бек хычыуунду эм сейирди. Дунияда не къадар кёп зат билирге итиннгенигиз ючюн болурсуз алай.

Эшме

Тиширыу ауур жюкле кётюрген машинаны да жюрюталлыкъды, космосха да учаллыкъды, алай бир-бирде къыз ышанлы болургъа да излейди: жан аурутсала, къорууласала сюеди. Чачын эшме этсе, ол белги бергенчады: бюгюн мен бой салама, батырлыкъны тамблагъа къояйыкъ!

Жыйылгъан чох

Стиль къатылыкъ  алдаулуду. Быллай причёска бла хар эрттен сайын кесигизни назиклигигизни, терен сезимлигигизни букъдурургъа кюрешесиз. Нек этесиз алай! Ишчи эм энчи заманыгъызны айырасыз да, андан.

Ишексизди,  офисде ишни билген уста профессионал болургъа тийишлиди.  Юйде уа не тюрлю болургъ да эркинсиз, эр киши тиширыуну не ючюн сюйгенин билдирирча: жумушакълыкъ, къайгъырыу эм чомартлыкъ ючюн.

Къысха къыркъылгъан

Керти жа жарыкъ кёллю адамсыз. Хар такъыйкъа да багъады сизге, аны ючюн а жашауугъузну бошуна ётдюрюрге сюймейсиз.  Кёлюгюзге да терк тиймейди. Кечген да этесиз, бек кючлю сюерге да боллукъсуз. Сизни жоругъугъуз: къада да сюйдюмлюлюк! Ол чакъырымыгъыз таза да ишлейди. Сёзсюз, ишигизде ёсюуге да хайырлыды ол.

Холамханланы Алима.
Поделиться: