«Жамауатны кёз къарамы»

Къабарты-Малкъарда ич ишле министрни орунбасары – следствие управленияны таматасы юстицияны полковниги Олег Попов «Жамауатны кёз къарамы» деген республикалы сурат конкурсда алчы жерле алгъанланы саугъалагъанды.  

Республиканы эм районланы аслам информациялы органлада ишлеген журналистле, билим бериу учрежденияланы келечилери бла бирге жюриге МВД-ны ал следствие бёлюмюню 60-жыллыгъына жораланнган тематика суратла ашыргъандыла.  Жюриге Следствие управленияны, МВД-ны маданият арасыны, ведомствода къуралгъан жамауат советни эм регионда ич ишле министерствону ветеранларыны Жамауат советини келечилери киргендиле.  

Конкурсну эсеплерине кёре, эм иги «Кабардино-Балкарская правда» газетни сурат корреспонденти Артур Елкановну, «Терек» газетни корреспонденти Галина Кампарованы эм Къашхатауну орта школуну окъуучусу Бёзюланы Маликаны суратлары болгъандыла.

- Кеслерини ишлеринде ала полициячыланы жамауат аланы жанындан къарагъанда къалай кёре эселе да, алай кёргюзтгендиле. Сизге саулукъ, мамырлыкъ тежейме, - деп чертгенди Олег Попов, - деп билдиредиле МВД-ны КъМР-де пресс-службасындан.