Къыралны биринчилигинде – алчыланы къауумунда

Екатеринбургда дзюдодан 23 жыллары толмагъан спортчуланы араларында Россейни биринчилиги бардырылгъанды.Алагъа 59 региондан 570 адам къатышхандыла, ала 14 ауурлукъ къауумда тутушхандыла.

Къабарты-Малкъарны атындан анда 11 дзюдочу эришгендиле, аладан саугъа жерлеге Мухамед Алоев (73кг.), Байсыланы Таулан (81кг.), Ролан Кунижев (90кг.), Астемир Абазов (90кг.) чыкъгъандыла. Жашланы тренерле Залим Гаданов бла Олег Махов юйретедиле.