Даражалы эришиуден – доммакъ майдал

Бирлешген Араб Эмиратлада юч кюнню ичинде каратеден халкъла аралы эришиу къуралгъанды. Анга Алжирден, Азербайджандан, Бахрейнден, Египетден, Беларусьдан, Россейден, Италиядан, Кувейтден, Непалдан, Катардан, Сауд Аравиядан, Узбекистандан эм талай башха къыралдан 600-ден аслам спортчу къатышхандыла.

Россейден ары 20 каратечи баргъандыла, аланы араларында Элбрус райондан Керим Алихаджиев болгъанды. Ол, 60 килограммда сермеше, алгъа тёрт тюбешиу бардыргъанды. Керим аланы барысында да бирча 8:0 эсеп бла хорлагъанды. Финал ючюн ол Египетден гёжеф бла эришгенди, аланы тюбешиулери тенг 4:4 эсеп бла бошалгъанды. Алай жорукълагъа тийишлиликде хорлам биринчи очкону алгъаннга берилгенди. Ючюнчю жер ючюн Керим Непалдан спортчу бла сынашханды, анга хорларгъа аз да онг бермей, доммакъ майдал бла къайтханды. Аны тренер Руслан Нахушев юйретеди.