Сабийлеге ток къоркъуулу болгъанын ангылатхандыла

«Каббалкэнергону» Май районда электрокюч сетьлерини келечилери Нальчикде «Тейри къылыч» сабий арада кечиннгенле бла тюбешгендиле. Къонакъла алагъа электрокючню юсюнден кёп магъаналы зат айтхандыла.

Кюн жылыгъа айланнганы бла, сабийле заманларын тышында ётдюрюрге, жер-жерледе ойнаргъа сюедиле. Аллай жерле электрокюч объектлени къатлары болургъа боллукъдула. Алайлары уа къоркъуулу болгъанына сёз да жокъду. Ма ол себепден энергетикле алагъа кеслерине сакъ болургъа, ток болгъан жерлеге жууукълашыргъа, ол тийреледе ойнаргъа, электрокюч оборудованиягъа тиерге жарамагъанын ангылатхандыла. Дагъыда кеслери ишлеринде хайырланнган затланы кёргюзтгендиле: къоруулаучу къол къапланы, каскаланы, инструментлени.

Ызы бла викторина бардыргъандыла. Анда соруулагъа берилген жууаплагъа кёре сабийле жорукъланы нечик иги ангылагъанларын билгендиле. Андан сора адамны ток урса, анга къалай болушургъа боллугъун манекенни юсюнде кёргюзтгендиле. Ахырында сабийлени барына да окъууларында керекли затла юлешгендиле саугъагъа.