Акъылбалыкъ болгъанлагъа паспортларын бергендиле

МВД-ны Май районда бёлюмюнде миграцияны соруулары жаны бла бёлюмюню таматасы Кючмезланы Аминат 14 жыллары толгъан жаш къызланы паспорт алгъанлары бла алгъышлагъанды. Бу жумуш 8-чи мартны байрамына аталып бардырылгъанды.

- Бюгюнден башлап, сизге граждан жууаплылыкъны магъанасын ангылап, кеси жашауугъузну къурауда ол затланы унутмазгъа керек боллукъду. Жетишимлеригиз бла Къабарты-Малкъарны атын айтдырырсыз деп ышанама, - дегенди Кючмезланы Аминат, сыйлы жумушну тамамлай.

Паспорт бла бирге ол алагъа «Россей Федерацияны Конституциясын» да саугъа этгендиле.

Ишни кезиуюнде капитан дагъыда къырал жумушланы электрон халда тамамларгъа онг болгъанын билдиргенди. Ызы бла ол аланы интернетде кёп тюбей тургъан хыйлачыладан сакъ болургъа чакъырып, бу темагъа жарашдырылгъан буклетле да бергенди, - деп билдиредиле МВД-ны КъМР-де пресс-службасындан.

Холамханланы Алима.
Поделиться: