Чархлада - маданият аралаБир жерден башхасына женгил кёчерге боллукъ автоклубла узакъ эмда жоллары къыйын жерледе маданият жумушланы тамамларгъа уллу себеплик этедиле. Кесини сахнасы, кинотеатры да болгъан аллай маданият ара 2019 жылда «Культура» миллет проектге кёре Элбрус районнга да берилген эди. Аны хайырындан узакъ элледе да тюрлю-тюрлю байрамла къураргъа онг чыкъгъанды. Автоклубну терк окъуна концерт майданнга айландырыргъа жарайды, анда жарыкъ этген, музыка эмда видеооборудованиясы да бардыла. Сёз ючюн, аны кинозалгъа эмда сёлешиу майданлагъа тюрлендирирге боллукъду. Интернет бла байламлыгъы барды да, маданият ишлени юслеринден онлайн амал бла билдирирге жарарыкъды. Былтыр автоклуб Элбрус районну 11 элинде 161 кере болгъанды. Аны бла да къалмай, районда Къулийланы Къайсын атлы Маданият юйню кинозалында 1 цифралы киноустановка ишлеп турады. 2022 жылда 890 сеанс кёргюзтюлгенди эмда киногъа 1187 адам къарагъанды. Тематикагъа кёре фильмле кёргюзтюу да 25 кере къуралгъанды. Коммерциялы болмагъан киносеанслагъа 2 614 адам къарагъанды, аладан 2 200 – сабийле, деп билдиргендиле бизге Элбрус районну маданият управлениясындан..
Поделиться:
Читать также:
19.04.2024 - 12:45 →
Огъурлулукъгъа ийнаныуну тас этмей
17.04.2024 - 14:39 →
Ара межгит – ариу жерлерибизден бири
16.04.2024 - 09:26 →
«Ишим халкъгъа хайыр келтирсе сюеме»
15.04.2024 - 10:22 →
«Чепкенлерибизни жаратханла кёп болуп, аланы терк сатып алгъандыла»
09.04.2024 - 10:00 →
Аны жашауун сахна жарыта эди
| ||
