Фахмуну кёргюзтюрге онг барды

Россейни Сюд приставларыны федерал службасы фахмулу сабийлени  «Хрустальные звездочки-2023» битеуроссей фестивальгъа къатышыргъа чакъырады.  Анга сюд приставланы, право низамны сакълаучу эм кюч органланы, къырал структураланы келечилерини сабийлери, интернатлада ёсгенле къатышыргъа боллукъдула, деп билдиргендиле бизге УФССП-ны пресс-службасындан.

Эришгенле  жыл санларына  кёре эки къауумгъа юлешинедиле: 7-12-жыллыкъла  эмда 13-18-жыллыкъла. Ала юч бёлюмде кёргюзтюрге боллукъдула фахмуларын: тепсеп, жырлап эм чыгъармачылыкъ усталыкъда.

Алада  айырмалыланы жюри айырлыкъды. Регионлада хорлагъанла уа туугъан журтларын къырал даражада къорууларыкъдыла. Эришиулени излемлерин  эм анга къатышыуну жорукъларын КъМР-де УФССП-ны сайтында табаргъа боллукъду: https://r07.fssp.gov.ru/2490047/

Эришиулеге къатышыргъа сюйгенле 20 мартха дери билдирирге керекдиле.