Саулугъу осал болгъан тиширыугъа болушхандылаКъырал автоинспекторла жолда кёлю аман болгъан тиширыуну саулукъ сакълау учреждениягъа жетдиргендиле. Аны саулугъуна бюгюнлюкде къоркъуу жокъду. Ингирде 3 сагъатда УГИБДД-ны дежурный бёлюмюне Нальчикде Мальбахов орамда машина кёп заманны сюелип, чыракълары жанып, кеси да сигнал берип тургъаныны юсюнден билдиргендиле. Аны юсюнден полицияны тамата лейтенанты Мухамед Кумышевге бла лейтенант Мурат Тишковха белгили этилгенди. Ала мычымай жерине жетедиле. Право низамны сакълаучула машинаны ичинде тиширыуну кёргендиле, анга медицина болушлукъ керек болгъаны ачыкъланады. Водительни аркъасы тутуп, ол жеринден тебалмай къалгъанды. Инспекторла аны кётюрюп, кеслерини машиналарына элтгендиле эмда мычымай саулукъ сакълау учреждениягъа жетдиргендиле. Анга анда тийишли болушлукъ берилгенди. Медикле тиширыу заманында келтирилгенини хайырындан ол къысха замандан аягъы юсюне боллугъун белгилегендиле. Полициячыланы чакъыргъан инсан инспекторла водительге болушханларын билип, КъМР-де Ич ишле министерствогъа Мухамед Кумышевге бла Мурат Тишковха ыразылыгъын айтып письмо жазгъанды.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|