Къабарты-Малкъар Республиканы Башчысы Казбек Коковну чакъырыу сёзю

Къабрты-Малкъарны хурметли жамауаты!
Багъалы жерлешле!
8 мартда Къабарты-Малкъар Республиканы тарыхында бек къыйын кюнледен бирине – малкъар халкъны Ата журтундан зор бла кёчюрюлгенине – 79 жыл болады. Биз барыбыз да къужурлукъдан эм законсузлукъдан жоюлгъанланы, ёз от жагъаларына къайтыргъа буюрулмагъанланы алларында баш иебиз. Аланы юсюнден эсгериуле ёмюрледе да жюреклерибизде сакъланырыкъдыла.
Къыйынлыкълагъа эм этилген артыкълыкълагъа да къарамагъанлай, малкъар халкъ чыдагъанды, кесини тин байлыкъларын, адет-тёрелерин, тилин сакълагъанды, тарых ата журтуна къайтып, социал эм маданият айныуунда бийик жетишимлеге жетгенди.
Бюгюнлюкде малкъар халкъ ышаныулу айныйды, республикабызны халкъларыны кючлю, шуёх юйюрюнде Къабарты-Малкъарны тамблагъы кюнюн къурайды.
Деменгили къыралыбызны битеу халкълары бла бирликде биз шёндюгюлю чакъырыулагъа тийишли жууап этеригибизге, ёз Къабарты-Малкъар Республиканы эм Ата журтубузну игиликлерине эм жашнауларына деп салгъан борчларыбызгъа жеталлыгъыбызгъа толусунлай ийнанама