Федерацияны кубогундан – аслам майдал

Одинцово шахарда каратени битеустил тюрлюсюнден Федерацияны кубогу бардырылгъанды. Анга къыралны 37 регионундан 1200 спортчу къатышханды. Аны къорууланыу амалланы хайырланыу бёлюмюнде республикабызны жыйымдыкъ командасы 14 майдал къытханды.

Кеслерини ауурлукъ къауумларында саугъалы жерлеге Асанланы Бэла, Темуккуланы Ахмат, Байрамукъланы Рашит, Гюлюйланы Жабраил, Федоренко Владислав, Кармоков Руслан, Новиков Дмитрий, Бабугоев Эльдар, Переяслова Валерия хорлагъандыла. Аланы тренерле Сабанчыланы  Мурат, Шахмырзаланы Шахмырза, Кешев Даут, Дышеков Мухамед, Макоев Алан хазырлагъандыла.

Кульчаланы Зульфия.
Поделиться: