Тарыхына юйретедиле, муратларын ангылатадыла

Жолда жюрюуню жаш инспекторларыны къымылдаууну 50-жыллыгъын белгилеуню чеклеринде «Биз ЮИД-ни сайлайбыз» акция бардырылады. Биринчилени санында аны сабий чыгъармачылыкъны «Кюн шахар» академиясыны окъуучулары башлагъандыла. Жолда жюрюуню къоркъуусузлугъуну инспекторлары бла аланы жаш болушлукъчулары  алагъа организацияны тарыхыны юсюнден къысха билдиргендиле, аны муратларын ангылатхандыла.

Ызы бла тийишли жумушла республиканы битеу районларында къураллыкъдыла. Аланы кезиуюнде юйретиу дерсле боллукъдула, дагъыда ЮИД-ни байрагъын да элтирикдиле хар районнга. Акцияланы республиканы туристле аслам келген  айбат жерлеринде, халкъ жыйылгъан майданлада бардырыргъа белгиленеди.

Тикаланы Фатима хазырлагъанды.
Поделиться: