Казбек Коков «Емюрлюк отха» гюлле салгъанды

Ата журтну къоруулаучуну кюнюнде Къабарты-Малкъарны Башчысы Казбек Коков Нальчикде «Махтаулукъну ёмюрлюк отуна» барып, 1941-1945 жыллада Уллу Ата журт урушда ёлген аскерчилени эсгере бир минутну шум болуп сюелгенди эмда мемориалгъа гюлле салгъанды.  

Эсгериу мероприятиягъа КъМР-ни Парламентини Председатели Татьяна Егорова, КъМР-ни Правительствосуну Председатели Мусукланы Алий, РФ-ни Президентини Шимал Кавказ федерал округда толу эркинликли келечисини аппаратыны КъМР-де баш федерал инспектору Тимур Макоев, республиканы правительствосуну министрлери, Нальчикни жер-жерли администрациясыны ишчилери, право сакълаучу эм кюч структура, ветеран эм жаш тёлю биригиулени келечилери къатышхандыла.

Ата журтну къоруулаучусуну кюнюне жораланнган жумушла республиканы битеу шахарларында бла районларында бардырылгъандыла, деп билдиргендиле КъМР-ни Башчысыны бла Правительствосуну пресс-службасындан.

Бизни корр.