Терек бахчачылыкъ иги айныйды

Къабарты-Малкъар республика жемиш эмда наныкъ бахчала къурау жаны бла алчы жерледен бирин алады, деп билдиргендиле РФ-ни Эл мюлк министерствосундан. Анга статистика шартла да шагъатлыкъ этедиле. Шимал Кавказда аллай тергеуле бла кюрешген ведомствода айтханларыча, озгъан жылны ал кезиуюнде бизни республикада аллай бахчала 24,6 минг гектарны ала эдиле. Ол санда жарымындан аз асламысы (58 проценти) неда 14,3 минг гектары эл мюлк организацияланы неда энчи иеленикидиле.

Адамла кеслери бахчаларында салып ёсдюрген жемиш терекле бла наныкъ юлкюле уа 10,3 минг гектарны аладыла. Алада бизни жерлерибизге келишген сортла битедиле.

 

Улбашланы Мурат.
Поделиться: