Тёртеуленни тутхандыла

Къабарты-Малкъарны полициячылары наркотиклени жайгъан тёртеуленни тутхандыла.

Къабарты-Малкъарда МВД-ны наркотиклени законсуз сатыу-алыу жаны бла управлениясыны къуллукъчулары, «Гром» энчи отрядны болушлугъу бла, Нальчикде тыш къыраллы эки эр кишини тутхандыла.

Ала пассажирле болуп баргъан машинаны тинтген кезиуде, багажникде экспертиза кёргюзтгеннге кёре, полициячыла 92.46 грамм тартхан героин, 253.21 грамм тартхан методан тапхандыла.

Аманлыкъчыла ангылатханнга кёре, уулу веществоланы биргелерине фатарда жашагъан эки бир журтлулары бла «закладкала» этип сатаргъа умутлары бар эди.

Оператив-излеу ишлени кезиуюнде аланы жашагъан жерлеринде энтта да эки адамны тутхандыла. Андан сора да, 97.74 грамм эм 8.3 грамм тартхан уулу веществола сыйыргъандыла. Андан ары бардырылгъан тинтиулени кезиуюнде тутулгъанла уулу веществоланы къайда букъдургъанларын кёргюзтгендиле. Алайда да полициячыла 1.32 грамм наркотикле тапхандыла.

Битеу сыйырылгъан уулу веществоланы ауурлугъу 500 граммгъа жууукъду.

Алай бла эр кишилеге РФ-ни Уголовный кодексини 228-чи статьясыны 2-чи кесегине (Законсуз наркотиклени букъдуруу эм хайырланыу) тийишлиликде уголовный иш ачылгъанды, деп билдиредиле КъМР-де МВД-ны пресс-службасындан