Коммунал мюлкле танг кесек борч этгендиле

Къабарты-Малкъарда жашау журт-коммунал мюлк (ЖКХ) предприятияла хайырланнган  электрокюч ючюн 1,1 миллиард сом берликлери барды. Андан 94 проценти суу эм жылыу  бла жалчытхан предприятиялагъа жетеди.  Аны юсюнден бизге "Россети Северный Кавказ" биригиуню пресс-службасындан билдиргендиле.

Сагъынылгъан борч  буруннгу жылны август айындан бери  "Россети Северный Кавказ"  биригиуню ток бла жалчытыуну кеси  боюнуна алгъандан бери жыйылгъанды.  Бирси жылладача, ахчаны асламысын суу эм жылыу бла жалчытхан биригиуле берирге керекдиле. Ала сагъынылгъан кезиуде жаланда 16,8 процентин жапхандыла.

Борчлары богъан биригиулени кёбюсю бусагъатда банкротну орунундадыла.  Ол шартны хатасындан аладан ахча алыргъа  бютюн бек чырмайды. Аны бла бирге электрокюч бла жалчытхан компаниягъа  уллу къоранчланы хатасындан   план бла эм плансыз бардырылыргъа керек ишлени тамамларгъа къыйыныракъ  болады.

Айтылгъан сылтаулагъа да къарамай, энергетикле  коммунальшикледен ахча алырча  ишни  тохтаусуз бардырадыла.  Анга кёре, былтыр тюрлю-тюрлю инстанциялы сюдлеге 847,3 миллион сом багъасына  1203 иск берилгенди.   Аны хайыры бла бюгюнлюкде   35,5 миллион сом тёленнгенди. Болсада ол изленнген ахчаны жаланда 4 процентин тутады.  Мындан арысында да банкрот болуп  тёлерге ашыкъмагъанланы субсидиялы жуапха тартыргъа умутлудула.