Наркотиклени машинасында букъдургъанды

Прохладна районда Чегем районда жашагъан эр киши 4 тюрлю уулу веществола бла тутулгъанды.  

Оператив-излеу ишлени кезиуюнде наркотиклени  законсуз сатыу-алыугъа къажау управленияны келечилери,  ФСБ-ны КъМР-да управлениясыны  къуллукъчулары эм полиция бла бирге, спецназны «Гром» энчи къауумуну болушлугъу бла  Солдатское элни къатында «Мазда» машинаны тохтатхандыла. Анда  алгъында жууаплылыкъгъа тартылгъан 31-жыллыкъ нартанчы  эр кишиде наркотикле тапхандыла. Ол аланы  интернет бла  республикадан тышында алгъанын айтханды.  

Этилген экспертизагъа кёре, битеу да  25.48 грамм тартхан «методан», 0.82 грамм тартхан «гашиш», 3.99 грамм тартхан «мефедрон», 5,07 грамм тартхан «прегабалин» сыйырылгъандыла.

Аманлыкъчы тутулупду. Уголовный кодексни 228-чи статьясыны 2-чи кесегине  тийишлиликде «Прохладненский» муниципалла  аралы бёлюмде эр кишиге уголовный иш ачылгъанды, деп бидиредиле КъМР-де МВД-ны пресс-службасындан.