Айырмалыла экскурсия бла саугъаланнгандыла

Жангы жылны солуу кюнлеринде Нальчикни Совет Союзну жигити Н.Г.Калюжныйни атын жюрютген 7 номерли школуну  кадет классларындан МВД-ны Краснодарда орналгъан университетинде болгъандыла.

Сабийле бла бирге МВД-ны КъМР-де  Маданият арасыны таматасы Жабелланы Гульнара эм школну завучу ведомстводагъы Жамауат советни келечиси  Зарема Ципинова баргъандыла.

 Бу экскурсияны  эм иги окъугъан кадетлеге бардырыргъа КъМР-де Ич ишле министр полицияны генерал-лейтенанты Василий Павлов айтхан эди. 

Экскурсияны кезиуюнде школчула МВД-ны Краснодарда университенине баргъандыла. Кадетлени бир къауум кафедраланы ишлери бла къаршы шагъырей этгендиле. Тактика атдырыуну амалларын, спорт комплекслени, лабороторияланы эм музейлени кёргюзтгендиле.

Андан сора да, сабийле «Хорламны саууту» деген аскер музейни да кёргендиле. Мында, ачыкъ кёкню тюбюнде, Ата Журт урушну заманындан къалгъан  къоруулаучу эм чабыууллукъ этген техникала кёргюзтюлюпдюле. Школчула 1950-70 жыллада Совет Союзда къаллай аскер жангылыкъла болгъанлары бла да шагъырейленнгендиле. 

 Экскурсия Краснодар шахарны Галицкийни паркында бошалгъанды. Парк Россейни эм уллу паркына саналады, деп билдиредиле МВД-ны КъМР-де пресс-службасындан.

 

Холамханланы Алима.
Поделиться: