Ток бла байламлы жерлени жангыртырыкъдыла

Быйыл «Россети Северный Кавказ»-«Каббалкэнерго» компанияны Къабарты-Малкъарда бёлюмю республикада  энергокюч комплексни  жангыртыргъа  эм  ремонт ишле бардырыргъа 281 миллион сом бёллюкдю.   Алай бла техника жаны бла жумушланы тамамларгъа былтыр бу замандан эсе  эки  процентге аслам ахча къоратыллыкъды. Аны юсюнден бизге  энергокюч бла жалчытхан компанияны пресс-службасындан билдиргендиле.

Ишлени кезиуюнде  электросеть комплексни  0,4 - 10 кВ эм 35-110 кВ кюч бла ишлеген 182 трансформатор подстанциясына эм  166 коммутация аппаратха тынгылы ремонт этилликди. Аны бла бирге энергетикле  0,4 - 10 кВ ток баргъан    109 километр чакълы  ызны эм 32 километрде да   35-110 кВ  кюч берген чыбыкъланы  жангыртырыкъдыла.