Эсгериуле, саугъала да

Аскерчилени, Аскер автоинспекцияны эм Къырал автоинспекцияны къуллукъчуларыны сабийлери «Биз биргебиз» деген акциягъа къатышхандыла.

 Бу иш РФ-ни МВД-свны «Прохладненский» муниципал бёлюмюню жамауат советини  келечиси Андрей Клюйну тири къатышыуу бла ётгенди. 

Солуу эм байрам кюнледе бёлюмню къуллукъчулары жолда жюрюуню жорукъларына бузукълукъ этгенлеге энчи эс бёледиле. Бютюнда уллу магъана акъылбалыкъ болмагъанланы къоркъуусузлукъларын жалчытыугъа бериледи. 

 Жоллада бу жумушну къураугъа  Андрей Клюй эм Прохладный шахарны  аскер машиналаны 128-чи инспекциясы  аскерчилени сабийлери бла бирге къатышыргъа сюйгенлерин билдиргендиле.

Акцияны къурагъанла водительлени жангы жыл бла алгъышлап, жолда жюрюуню жорукъларын эсгертиу къагъытла юлешгендиле.

Ала шофёрланы эслерине сабийлеге юлгю болгъанларын къайтарып айтхандыла. Жолда жашауларын эм саулукъларын сакълар ючюн не этерге кереклисин айтхандыла. Сабийле абаданладан кёргенлерин этгенлерин да энчи чертгендиле. Сабийлени машинада жюрютюуге энчи эс бургъандыла.

 - Сабий бла машинада баргъанда, аны артына олтурургъа юйретигиз. Къоркъуусузлукъну бел бауун тагъып эм сабий кресло бла хайырланыгъыз. Балаланы тобукъларыгъызда эм къолугъузда элтмегиз, -дегенди Андрей Клюй.

Ахырында уллулагъа эсгертиуле, сабийлеге уа татлы саугъала юлешиннгендиле.

Холамханланы Алима.
Поделиться: