Поликлиникаланы жангыртыугъа –аслам эс

Къабарты-Малкъарда «Саулукъ сакълауну биринчи бёлюмюн игилендириу» программагъа кёре 2025 жылгъа Нальчикде   бла  район аралы больницалада битеу поликлиникалагъа тынгылы ремонт этерге эм  жангы амбулаторияла ишлерге  мурат барды.

Алай бла сагъынылгъан программаны чеклеринде быйыл  он медицина учреждение игилендирилликди. Аланы санында Нальчикни 3-чю номерли поликлиникасыны бёлюмю, Республикалы сабий клиника кёп профильли  араны, Прохладнаны, Бахсанны район аралы стационарларыны, Терекде сабий  больницаны поликлиникасы, Кичибалыкъ, Уражайное, Янтарное,  Урван,Герменчик эллени  амбулаториялары да жангыртыллыкъдыла.

Андан сора да, быйыл Кенжеде бла Октябрьское элде  жангы амбулатория бла фельдшер-акушер пунктну къурулушу  башланырыкъды.

 

Бизни корр.
Поделиться: