Наркотикле бла тутулгъанды

2023 жылны 4 январында МВД-ны Нальчикде Управлениясыны патруль-пост службасыны къуллукъчулары «Дубки» микрорайонну агъачыны жолунда тургъан «Ваз 21099» машинагъа эс бургъандыла. Документлерин тинтген кезиуде, автотранспортда олтургъан 47-жыллыкъ эр киши машинадан кёк тюрсюнлю хуржунну атханды.  

Эр киши айтханнга кёре, хуржунда болгъан наркотиклени ол сатар умут бла угъай,  кеси хайырланырча алгъан эди. Экспертле тохташдыргъаннга кёре, ол ауурлугъу 0,95 грамм болгъан «N-метилэфедрон» деген наркотикди.

МВД-ны Нальчикде Управлениясыны 1 номерли бёлюмюнде эр кишиге, РФ-ни законодательствосуна кёре, уголовный иш ачхылгъанды, деп билдиредиле КъМР-де МВД-ны пресс-службасындан.

Холамханланы Алима.
Поделиться: