Ток ючюн къыйналмай тёлерча

«Россети Северный Кавказ»-«Каббалкэнерго»  биригиуден билдиргенлерича, арт заманда Къабарты-Малкъарда жашагъанла  электрокюч  ючюн дистанция амал  бла тёлеген сервислени тири хайырланадыла.

Бюгюнлюкде  «Энчи кабинетденден» сора да, биригиуню сайтында «Свет онлайн» приложение да ишлейди. Быйыл биринчи декабрьге чыгъарылгъан эсеплеге кёре, республикада аны  себеплиги бла 14,5 миллион сом багъасына 15 минг абонент  тёлегенди. 

Сервисни болушлугъу бла  комиссиясыз электроэнергия ючюн тёлерге, эсеплеген приборда показинияланы жиберирге, къайсы айгъа сюйсенг да квитанция бла шагъырейленирге  онг барды. Андан сора да,  аны архивинде   этилген  операцияланы юсюнден да  табаргъа боллукъду.  Быллай амал энергокюч компания бла  абонентни арасында байламлыкъны бютюн бек кючлегенин да белгилерчады.

«Россети Северный Кавказ»-«Каббалкэнерго» биригиуню келечилери токну къаллай бир ойнагъанын айны 23-26 кюнлеринден кеч къалмай жиберирге эм  тёлеулени уа  онусуна дери этерге  кереклерин  эсге саладыла.