Ишден кетгенде тёлеуле къалай тергеледиле

Пенсия фондну регионда бёлюмюнден эсгертгенлерича, планнга кёре пенсияларына жангызда ишлемеген инсанлагъа къошулады. Алыкъа урунгъанланы индексациялары энчи счётларында (ИЛС) эсепленедиле, алай айлыкълары кёбейтилмей бериледи. Ала ишден чыкъгъанларындан сора битеу индексацияла тергеледиле, тёртюнчю айдан а адам пенсиясын, ала да къошулуп, толу ёлчеми бла аллыкъды, ол санда аны аллында юч ай ючюн да. 

Юлгюге, инсан ишден мартда кетген эсе, июльда анга пенсиясы къошулуп келликди, аны бла бирге уа апрель, май, июнь ючюн да. Индексация этилир ючюн,  фондха барыргъа керек тюйюлдю, айлыкъ автомат халда кёбейтилликди. Уруннган пенсиячы ишин къойгъандан сора къаллай бир ахча аллыгъын фондну сайтында энчи кабинетинде билаллыкъды.