Шош сюелип эсгергендиле, гюлле салгъандыла

Элбрус районну Терс-Къол  элинде къуллукъ борчларын толтура ёлген журналистлени эсгергендиле. Бу ишге  Росгвардияны ведомстводан тышында охранасыны къуллукъчулары да къатышхандыла. Ала, бир минутну шош туруп, ёлгенлеге хурмет этгенлерин билдиргендиле эм эсгертмеге гюлле салгъандыла.

- Бюгюн биз жалынчакъсыз оюмлары ючюн жан бергенлени эсгеребиз. Уллу жарсыугъа, журналистлени араларында жангызда къаугъалы кезиуледе угъай, мамыр заманда ёлгенле да кёп болгъандыла. Ала антларына ахырына дери кертичилей къалгъанлары ючюн алагъа баш урабыз. Аланы атлары бизни эсибизде кёп ёмюрлеге дери къаллыкъдыла, - дегенди Росгвардияны КъМР-де Управлениясыны пресс-службасыны таматасы Залим Кафоев.