Хайырланылгъан ток ючюн тёлерге ашыкъмайдыла

Къабарты-Малкъарда жашау журт-коммунал мюлк предприятияла хайырланылгъан ток ючюн «Россети Северный Кавказ» биригиуге бир миллиард сомгъа жууукъ берликлери барды. Ол санда быйыл аланы борчлары 330 миллион сомгъа кёбейгенди.

 Эсге сала айтсакъ, коммунал предприятияла «Россети Северный Кавказ» биригиуге былтыр августдан бери бермей къыйнайдыла. Аланы кёбюсю, неда 94 проценти суу эм жылыу бла жалчытхан организацияладыла. Сёз ючюн, бюгюнлюкде Нальчикде «Водоканал» эм уллу борчу болгъанладан бири. Аны энергокюч бла жалчытхан биригиуге 372 миллион сом берлиги барды. Былтырдан бери ол 134 миллион сомгъа ёсгенди. «Нальчикни жылыу бла жалчытхан компания» да 228 миллион сом борч этгенди. Быйыл анга дагъыда 23 миллион сом къошулгъанды. 

ЖКХ бла байламлы организацияла танг кесек заманны миллионла бла тёлемегенлери абонентлени ток бла сылтаусуз этерча тийишли ишлени бардырыргъа чырмау салады.  Болумну юсюнден да билдирилгенди.

Бир-бири предприятияла миллионла бла ёнкючлери бола тургъанлай, аны бир кесегени жабаргъа ашыкъмайдыла. Аны ючюн энергетикле болумну КъМР-ни таматаларына эм прокуратурасына билдиргендиле.