Биягъы жалгъан ичгиПраво низамны сакълаучула юч тоннагъа жууукъ жалгъан этил спиртни сыйыргъандыла. Жол-патруль службаны инспекторлары Экинчи Лескен-Чикола жолда ауур жюк элтген фургонну кёргендиле. Полициячыла аны тохтатып, водительни документлерин эм машинаны тинтгендиле. Аны кезиуюнде кенглиги минг литрге жетген эки полимер шеша эмда 184 бешлиртлик шешала табылгъандыла. Алада суусун зат спирт ийис этгени тохташдырылгъанды. Битеу да бирге сыйырылгъан 3 тоннагъа жетеди, аны багъасы 175 минг сомду. Тинтиулени кезиуюнде ачыкъланнганыча, сыйырылгъан этил спиртди. Аны качествосу къырал излемлеге келишмейди, кючлюлюгю 95 градусха жетеди. Водительни айтханына кёре, ол танымагъан эр киши продукцияны къоншу республикаладан биринден келтиририн тилегенди эмда жолу ючюн ахча тёлерге айтханды. Эр кишиге РФ-ни УК-сыны 171.3-чю статьясыны 1-чи кесегине кёре терслеу материалла ачылгъандыла.
Поделиться:
Читать также:
17.04.2024 - 10:44 →
Следовательге улутха берирге умут этгеннге сюд этилликди
16.04.2024 - 12:43 →
Тутмакъда жыйырма жылгъа дери тутулургъа боллукъду
02.04.2024 - 15:20 →
Болумну оноучула бла сюзгенди, учреждениялада да болгъанды
22.03.2024 - 14:58 →
Кийимлеринде уа – уу
14.03.2024 - 10:01 →
Жутлукъ
|