Арыгъаны келтиргенди хатагъа

Быйыл 5 ноябрьде 34-жыллыкъ эр киши «Аргудан-Александровская» жол бла Александровская элге бара болгъанды. Биргесине машинада эки сабийин элтгенди – 2011 эм 2012 жыллада туугъанла. Ол жолда жюрюуню жорукъларын, жол белгилени сакъларгъа, башхаланы саулукъларына, жашауларына къоркъуу салмазгъа кереклисин ангылагъанды. Эр киши  арып, сакълыкъны тас эте башлагъанды, алай ол тохтамагъанды, солумагъанды. Аны хатасындан жукълап къалгъанды. Машина, бир жанына чыгъып, жол жанында арыкъгъа тюшгенди. Алайда сабийлени саулукъларына ауур заран салыннганды.

Бу шартла бла байламлы РФ-ни СК-сыны Май районда следствие бёлюмюню къуллукъчулары водительге РФ-ни УК-сыны 264-чю статьясыны 1-чи кесегине кёре терслеу материалла ачхандыла. Ол жолда жюрюуню жорукъларына бузукълукъла этип, аны хатасындан башха инсанны саулугъуна ауур заран салыннганы ючюн жууапха тартыллыкъды.