Жигерлиги бла тапханды сый-намыс

Тау эллерибизде уруннган ахшы адамларыбызны юслеринден жаза турабыз. Огъары Чегемде да кёп болгъандыла жигерликлери бла махтау, сый-намыс тапханла. Хочуланы Ибрагим аллайладан бири эди. Жигерлиги бла ол  Къазахстанда окъуна атын айтдыргъанды.  Анда ол шофёрлукъ этгенди, махтаулу да болгъанды. Бери къайтханда уа жол мюлкде ишлегенди. Ол заманда, не букъдурлугъу бар эди, жолла тозурап эдиле. Ибрагим алгъа Чегем ауузунда шофёр эди, ызы бла аны бригадир, мастер да этедиле. Ишин асыры сюйгенден, анга бек къайгъыргъанды.

Жол биркюнлюк болмагъаны кишиге жашырын тюйюлдю, аны себепли анда уруннганла къарыуларын-кючлерин аямагъанлай кюрешгендиле.

Жылла озгъандан сора жангыдан къазауат – жолланы кенгертиу, тюзетиу. Хочу улу биягъы тынгысызлыгъы бла хар жангы ишни чегине жетдирип турду.. Алай бла Чегем чучхурлагъа дери автобусла, башха улоула да женгил жетерча асфальт салынады.

Ол жолла бла кёп адам жюрюйдю, ол санда Ибрагимни сабийлери, туудукълары да, огъурлу аталары къойгъан ариу ызлада юйреннген жашла бла къызла.

                                           

Шауаланы Разият.
Поделиться: