Башындан ахча къошуп сатханды

КъМР-ни прокуратурасы наркотиклени сатхан инсаннга ачылгъан терслеу ишни сюдню къараууна бергенди. Тиширыу РФ-ни УК-сыны 228.1-чи статьясыны 1-чи кесегине бузукълукъ этгени ючюн терсленеди.

Быйыл апрельде ол тохташдырылмагъан биреуден ууну сатып алгъанды эмда аны башындан ахча къошуп сатханды. Терслеу материалла Нальчикни сюдюню къараууна берилгендиле.

Законда белгиленнгенича, ууну законсуз сатханны эркинлиги 4-8 жылгъа сыйырылыргъа боллукъду.

Тикаланы Фатима хазырлагъанды.
Поделиться: