Сабийле жоллада ачымазча

2022 жылны 1-20 ноябрине дери школчулагъа жолда жюрюуню жорукъларыны юсюнден битеуроссей онлайн-олимпиада боллукъду, деп билдиреди КъМР-ни Къырал автоинспекциясы. Бу иш сабийле жолда ачымазгъа мадарла этиуню чегинде тамамланады.

 «Национальные приоритеты» автоном коммерция болмагъан организация Россейни Транспорт, Ич ишле, Жарыкъландырыу министерстволары бла бирге «Къоркъуусуз качестволу жолла» деген миллет проектни чегинде 1-9-чу классланы окъуучуларыны араларында битеуроссей онлайн-олимпиаданы ётдюреди.

 Олимпиада Учи.ру. билим бериу онлайн-платформада къуралгъанды. Заданияланы ётерча окъуучула берилген платформада эсепге тюшерге керекдиле, олимпиаданы сорууларына жууапла берирге алагъа абаданла да болушургъа боллукъдула. 

1 ноябрьде кюндюз сагъат онекиден бирге дери Олимпиаданы бардырыугъа себепликге интернетде «ВКонтакте» социал сетьде «Россейни миллет проектлери», «Россейли жамауат «Билим» официал аккаунтларында жолда къоркъуусуз жюрюуню жорукъларыны юсюнден тюзюнлей трансляция боллукъду.

 

Холамханланы Алина.
Поделиться: