Казбек Коков Федерал казначействону башчысыны орунбасары бла ишчи тюбешиу бардыргъанды

КъМР-ни Башчысы Казбек Коков Федерал казначействону башчысыны орунбасары Александр Михайлик бла ишчи тюбешиу бардыргъанды. Ол республикагъа Федерал казначействону Шимал-Кавказ федерал округда жер-жерли финанс-экономика органларыны коррупциягъа къажау бардырылгъан  битеуроссей форумуну экинчи урумуна къатышыргъа келгенди.

Эки жанлы ишчи халда баргъан тюбешиуню кезиуюнде республикада толтуруучу власть органланы эм федерал казначействону регион управлениясыны арасында байламлыкъланы юсюнден соруула сюзюлгендиле. Сёлешиу баргъанда Федерал казначействону Къабарты-Малкъар Республикада управлениясыны ишлеуюню юсюнден соруулагъа къарагъандыла.

Управление республиканы финанс системасын кючлеу жаны бла ишни бардырады, аны бла экономика тутхучлулукъ игиленеди. Ведомство андан ары ишин къалай бардырлыгъыны баш борчлары белгиленнгендиле, ол санда республиканы финанс-бюджет бёлюмюне контроль этиуде цифровизацияны сингдириуню да къошуп, деп билдиргендиле республиканы оноучусуну пресс-службасындан.

Бизни корр.