Болмагъан къырал пошлинаны тёлетгенди

28 октября, 2022 - 12:22

2022 жылны сентябрь айында 22 кюнню ичинде бир эр киши, полициячыма деп, алдап, Нартандан тишырыугъа сёлешип тургъанды. Ол сиз интернетде кёп заманны дарманла сатхан фирма алдатхан адамланы къауумуна тюшгенсиз, анга уголовный иш ачылгъанды деп, тиширыуну компенсациягъа тийишли болгъанына ийнандырыргъа кюрешгенди.

Ахчаны алыр ючюн, ол Москвада профильли ведомствогъа заявление жазып, къырал пошлина тёлерге кереклисин айтханды. Тиширыу, ийнанып, хыйлачы билдирген счётха 51 454 сом ийгенди. Аны алдагъанларын ангылагъанда, МВД-ны Нальчикде управлениясына келгенди. Аны тарыгъыууна кёре терслеу иш ачылгъанды. Бусагъатда аманлыкъчыны къайдагъысын тохташдырырча мадарла этиледиле, деп билдиредиле МВД-ны регионда бёлюмюню пресс-службасындан.

 

Баллиланы Алина.
  • 5 просмотров
Поделиться: