Жандаруулукъ таркъаймайды

 «Единая Россия» Донбассдан кёчген инсанлагъа, Луганск эм эркин этилген башха регионлада къалгъанлагъа энчи операция бардырылгъан биринчи кюнден   болушлукъну тохтатмайды. Партияны   регион бёлюмлери 13 минг тонна жандаруулукъ жюк ашыргъандыла, ол санда дарманладан 500 тонна.

Андан сора да партияны башламчылыгъы бла инсанла эм организацияла 500 миллион сом  жыйгъандыла. Ахча аш-суу затланы сатып алыргъа, сакъатлагъа реабилитация кереклеге, сабийлеге изленнген затлагъа къоратылгъанды. Дагъыда Луганскда халкъ милициягъа  болушлукъгъа да ётдюрюлгенди.

Донбассда эм эркин этилген регионлада «Единая Россияны» жандауурлукъ жаны бла 40 арасы ишлейдиле, Дондассда – 15 ара ачылгъанды.

Мариупольну Левобережный районунда медицина ара къулагъанды, анга керекли оборудованияны сатып алыргъа партия болушлукъ этгенди.  Шахарчылагъа мында дарманла хакъсыз бериледиле. Единороссланы башламчылыкълары бла врачла-волонтёрладан къауумла къураладыла. Ала больницалада мамыр адамлагъа, жаралы болгъан аскерчилеге  да болушадыла. Энчи операция башланнган кюнден а Россейден 420 медик баргъандыла Донбассха коллегаларына болушургъа.

«Единая Россияны» волонтёрлары Донбассны мамыр жашаугъа къайтарыу жаны бла жууалы ишни да толтурадыла. Ол санда атышыуланы кезиуюнде бузулгъан социал объектлени, жашау журтланы жангыртыугъа къурулуш материалла келтиредиле.

Тикаланы Фатима хазырлагъанды.
Поделиться: