Закийге жораланнган конкурсну эсеплери чыгъарыладылаБыйыл закий поэт Къулийланы Къайсын туугъанлы 105 жыл толады. Анга жораланнган конкурс барыууну юсюнден жазда Магас шахарны мэриясы кёлден жазмаланы конкурсун бардырыууну юсюнден билдирген эди. Жазма эришиуге къатышыргъа хар кимни да онгу бар эди. Анда жыл сан бла байламлы тыйгъыч салынмагъанды. Бюгюнлюкде ары келген ишлеге къарап, багъа бичиу бардырылады. Хорлагъанланы саугъалау а бир ыйыкъдан, назмучуну туугъан кюнюнде, шахар администрацияда ётерикди. Жюрини келечиси поэт Тамара Чаниева бизге билдиргеннге кёре, алагъа конкурс ишлени анга къатышханны аты, тукъуму да болмай жибередиле. - Ол биз биреуню танып, анга жакъ басмазча этиледи. Багъа бичиу а 10 балл система бла ётеди, - дегенди Тамара Мовлиевна. Поэтибизни аты бла ётген конкурсха мындан да къатышханла болгъандыла. Аладан бири Псычох элни орта школуну 10 классыны окъуучусу Жантууланы Исламды. Конкурсда биринчи жерге тийишли болгъанны 50 минг сом ахча саугъа сакълайды. Экинчи эм ючюнчю жерлени алгъанлагъа 30 эм 20 мингишер сом берилликди.
Поделиться:
Читать также:
26.04.2024 - 16:59 →
Хар усталыкъны да кесини жашырынлары бардыла
26.04.2024 - 14:51 →
«Къыйын болумлагъа тюшген сабийлеге болушлукъ этиу баш борчларыбыздан бириди»
26.04.2024 - 14:49 →
Элни аллында ыспасха, хурметге да тийишли бола
26.04.2024 - 09:45 →
Эл айнытыуну жолу бла барады
25.04.2024 - 17:45 →
«Тизгинсизликди аланы жайылыуларыны баш сылтауу»
|