Адамланы ахчалары тас болуп къалмазчаЖашау журт къурулуш бла кюрешген организацияла бла ишлегенде эскроу-счёт деген амал жарашдырылгъанлы талай заман болады. Эсге сала айтсакъ, аны магъанасы былайды: кёп фатарлы юйню юлюшлю халда къурулушун бардырыргъа умут этген организация адамладан ахчаны алгъынча жыялмайды, ала аны банкда ма аллай эскроу-счётха саладыла. Юй битип, адамла фатарларын алгъанларындан сора уа организациягъа ахча алай бериледи. Сбербанкдан билдиргенлерине кёре, бу амал чыкъгъанлы алада быллай 219 счёт ачылгъанды. Барында да 536 миллион сом жыйылгъанды. «Бизни банк Къабарты-Малкъарда къурулуш бёлюмге дайым себеплик этеди. Организацияланы тийишли проектлерин тамамларгъа деп жаланда быйыл 1,6 миллиарддан аслам сом кредит берилгенди. Андан 500 миллион сомун компанияла хайырланнгандыла, кёп фатарлы юйле ишлегендиле. Объектлени барына да ахча эскроу амал бла барады. Ол алыучулагъа, къурулушчулагъа да тап келеди», - дегенди Сбербанкны республикада бёлюмюню башчысы Залина Бейтуганова.
Поделиться:
Читать также:
02.04.2024 - 09:15 →
Тыш къыралла эмда башха регионла бла байламлыкъла кюч ала барадыла
01.04.2024 - 08:50 →
Гитче эмда орта бизнесни магъанасы уллуду
30.03.2024 - 12:00 →
«Не къыйын кюнде да сайлауума сокъуранмагъанма»
30.03.2024 - 08:50 →
Инвестициялагъа – энчи эс
05.03.2024 - 09:28 →
Инфляция азая барады
|