Нёгерине бет этмей

8 октябрьде  МВД-ны Черек районда управлениясына Жемталада жашагъан  47-жыллыкъ эр киши сёлешгенди. Ол  хуржунундан 50 минг сому  бла конвертни  тюшюргенин билдиргенди эмда аны табаргъа болушурларын  тилегенди.  

Оператив-излеу ишлени кезиюнде уголовный розыскны къуллукъчулары ол кюн эр киши, алгъын да жууапха тартылгъан 39-жыллыкъ  нёгери бла спорт майданнга турникледе жарау этерге баргъанларын  тохташдыргъандыла. Алайда конверт жерге тюшгенлей, нёгери, анга бир зат да билдирмей, аны  кесини хуржунуна салып къойгъанды.  Аманлыкъчыны тутхандыла, ол ахчаны алгъанын эмда жоюп бошагъанын айтханды. Бу ишни  юсю бла РФ-ни  Уголовный Кодексини 158-чи статья бла (уручулукъ) терслеу иш ачылгъандыла, деп билдиреди КъМР-де МВД-ны пресс-службасы.