Россей бла Къытай 500 эришиу бардырлыкъдыла

Россейни Правительствосуну башчысыны орунбасары Дмитрий Чернышенко Россей бла Къытай физкультура эм спорт жаны бла байламлыкъла жюрютюрюклерин билдиргенди. «Ол къыралланы араларында байламлыкъланы игилендирирге себеплик этерикди эм битеу дуниягъа спортну бирикдириу кючюн кёргюзтюрюкдю», - дегенди ол.

Алай бла эки къырал бирге 500-ден аслам спорт эришиу бардырыр умутлудула. Аланы араларында спортну, илмуну бла технологияланы чеклеринде «Игры будущего», БРИКС, ШОС эм СНГ-ны къыралларыны жыйымдыкъ командаларыны къатышыулары бла университет спортну халкъла аралы фестивалы, Россей-Къытай къыш жаш тёлю оюнла, аланы чегинде уа лыжалада учуудан, сноуборддан, фигурный катаниядан эм спортну башха тюрлюлеринден эришиуле боллукъдула, деп билдиредиле республиканы Спорт министерствосуну пресс-службасындан.