Къыйын болумгъа тюшген сабийлени паркда солутхандыла

МВД-ны Нальчикде управлениясыны башчысы къыйын болумгъа тюшген сабийлеге паркда экскурсия къурагъанды. Бу иш «Сабийлерибизге къоркъуусузлукъ эм саулукъ» деген акцияны чегинде ётгенди.  Къуллукъчула сабийлеге наркотиклени эм психотропный затланы аманлыкъларыны юслеринден айтхандыла эм саулукълу жашау бардырыргъа чакъыргъандыла, деп билдиреди КъМР-де МВД-ны пресс-службасы.

Сабийле, гыллыучалада учуп, бу кюн эслеринде къалырча суратха да тюшюп, аны #НЕТНАРКОТИКАМ деген хэштег бла интернетге салгъандыла. Ала заманларын зауукълу ётдюргенлерин, къууаннганларын айтхандыла эм полициячылагъа алагъа былай эс бургъанлары ючюн ыразылыкъларын билдиргендиле.

 

Баллиланы Алина.
Поделиться: