Наркотиклени сатхан тутулгъанды

МВД-ны регионда наркотиклени законсуз сатыу-алыугъа контроль этиу управлениясыны келечилери ФСБ-ны управлениясыны эм энчи борчланы толтургъан «Гром» отрядны болушлукълары бла оператив-излеу ишлени кезиуюнде Гагарин атлы орамда наркотиклени жашырын букъдура тургъан эр кишини тутхандыла.

Ала излеуню кезиуюнде акъ тюрсюнлю порошокга ушагъан веществосу бла хуржунну сыйыргъандыла. Тутулгъан 41-жыллыкъ нальчикчини «Опель Астра» машинасыны шинтигини хуржунунда полициячыла дагъыда аллай веществосу бла 19 хуржунну тапхандыла. Ол адамгъа ары дери да тутулуп чыкъгъан эди. Эр киши сыйырылгъан вещество «метадон» наркотик болгъанын айтханды. Ол аны Нальчикде жашырын букъдуруп сатаргъа умут эте эди. Сорууну кезиуюнде ол ары дери наркотиклени букъдургъан юч жерни юсюнден айтханды, алада да полициячыла наркотиклери бла хуржунла чыгъаргъандыла. Бардырылгъан экспертиза ачыкълагъаннга кёре, хуржунлада эр киши айтхан наркотик бар эди, ол битеу да 3,31 грамм тартханды.

Тутулгъан эр кишиге РФ-ни Уголовный кодексини 228.1 статьясына (наркотиклени уллу ёлчемледе законсуз сатыу) тийишлиликде уголовный иш ачылгъанды, деп билдиредиле МВД-ны регионда управлениясыны пресс-службасындан.

Баллиланы Алина.
Поделиться: