Пособияла – айны ючюнчю кюнюнде

Быйылгъа дери регионлада пособияланы тёлеуню низамы бирча болмагъанды. Пенсия фондха социал къорууланыу органладан ётдюрюлген тёлеуле энди Россейни битеу субъектлеринде да социал казначействону жорукълары бла  бериледиле.

Алай бла хар айны ючюнчю кюнюнде тёлеулени адамланы 88 проценти аллыкъдыла, бу къауумгъа пособияланы ётдюрюуге банкда счётну сайлагъанла киредиле. Ахчаларын почтаны юсю бла алыргъа сюйгенлеге уа тёлеулери 3-25 кюнледе почтаны ишини низамына кёре келликдиле.  Бу жангычылыкъла пособияланы тохташдырыуну эм тёлеуню тынчыракъ этедиле: фонд керекли данныйлени башха ведомстволада кеси излейди, адамла документлени жыйып айланмайдыла. Документлени саны азайтылгъанындан тышында, келген заявлениялагъа фондда 5-10 ишчи кюнню ичинде къаралады.

Эсигизге салайыкъ, социал къорууланыу органладан Пенсия фондха сабийлери болгъан юйюрлеге, аскерчилени эм кюч органланы келечилерини юйюрлерине, радиацияны хатасы тийгенлеге, сакъатлагъа эм талай башха къауумлагъа берилген пособияла кёчюрюлгендиле. Февральда фонддан ахчаларын 1,85 миллион инсан алгъандыла, алагъа 7,9 миллиард сом берилгенди. Жылны аллындан башлап дагъыда 370 минг заявление келгенди, аладан 89 проценти къабыл кёрюлгендиле.