Жалгъан хапар болуп чыкъгъанды

Херсон областьда украинлы аскерчиле СУ-22 самолётну уруп тюшюргендиле деген жалгъан хапарны ВСУ-ну спикери Юрий Игнат билдиргенини юсюнден Войнасфейками.рф деген телеграмм-канал жазады.

Былайда, бек биринчиден, Россейни Хауа кючлерини мюлк базасында аллай самолёт болмагъанын айтыргъа керекди. Бу самолёт СУ-17 самолётну экспортха этилген тюрлюсюдю. Аны чыгъарыу а 1998 жылда тохтагъан эди. Бу ётюрюк хапаргъа салыннган суратда уа Польшаны ВВС-ны самолёту болгъанын белгилерчады.

Алай Украинаны кесинде уа СУ-17 УМЗ самолёт бла жарау этиуде хайырланадыла. Ким биледи, аскерде да, самолётла жетишмегенлери бла байламлы, хайырланнган болурла, деп белгилейди канал. Алай бла украинлыла кеси къоранчларын россейли аскерге жагъаргъа кюрешгенлери хакъды. Ол а Киевни кючю техника жаны бла осал болгъаныны юсюнден айтады.

Алгъаракъда билдиргенибизча, Украинаны техника жаны бла къоранчлары уллудула, ол санда самолётлары да. 13 октябрьде Россейни Къоруулау министерствосу билдиргеннге кёре, ол кюн бизни ПВО системабызны тап ишлегенини хайырындан бир жолгъа 4 украинлы аскер борт агъызылгъандыла. Ала бирлери хауа урушда, экинчилери уа пилотларыны халатла жибериулеринден жанып, тюшгендиле.