Россейни биринчилигине къатышырыкъдыла

Республиканы Спорт министерствосу билдиргеннге кёре, бу кюнледе Грозный шахарда дзюдодан СКФО-ну биринчилиги ётгенди. Ары округну битеу субъектлеринден 300-ден аслам спортчу къатышханды.
 
Эришиулени эсеплерине кёре Къабарты Малкъарны дзюдочулары андан алты майдал бла къайтхандыла.

 Алай кеслерини ауурлукъ эм жыл сан къауумларында хорлагъанланы санына Байсыланы Таулан (81 кг.), Гайыланы Омар (100 кг.), Арианна Кано-кова (48 кг.) къошулгъандыла. Залим Балкизов (+100 кг.) экинчилени санын-да. «Доммакъны» уа Мисирланы Карина (48 кг.) бла Идар Бифов (100 кг.) алгъандыла.

Бу эришиулени эсеплерине кёре биринчи алты жерге чыкъгъанла, дагъыда къызланы араларында алчы жерлени алгъанла 24 ноябрьде Красно-ярск шахарда бырдырыллыкъ Россейни биринчилигине къатышырыкъдыла.
Додуланы Мадина.