Умутуна жеталмагъанды

ФСБ-ны  КъМР-де Управлениясыны ишчилери МВД бла байламлыкъда наркотиклени законсуз сатыу-алыугъа къажау  бардыргъанг оператив-излеу ишлени кезиуюнде тохташдырылгъаннга кёре, уулу сатыугъа къатышхан нальчикчини тутхандыла. 

Аманлыкъчы болжаллы халда жашагъан жерде чулгъамда 121 грамм «героин» наркотик табылгъанды. Аны республиканы жер-жерлеринде сатаргъа умут бар эди, деп билдиредиле ФСБ-ны  регионда управлениясыны пресс-службасындан.

Бу болум бла байламлы РФ-ни УК-ны 228-чи статьясыны 4-чю кесегине тийишлиликде, терслеу иш ачылгъанды. Быллай аманлыкъчы ишге къатышханланы эркинликлери 20 жылгъа чакълы бирге сыйырылыргъа боллукъду.